ខេត្តបន្ទាយមានជ័យ ៖នៅព្រឹកថ្ងៃសុក្រ ៥ រោច ខែពិសាខ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី ១៦ ខែឧសភា ឆ្នាំ ២២០២៥ នេះលោក ឃ្លោក នួយ និងលោក លៀម សុដា អភិបាលរងខេត្ត តំណាងឲ្យឯកឧត្តម អ៊ំុ រាត្រី អភិបាល នៃគណៈអភិបាលខេត្ត បានដឹកនាំក្រុមការងារចម្រុះថ្នាក់ខេត្ត ចុះពិនិត្យនិងសម្រស់សម្រួល ជូនបងប្អូនប្រជាពលរដ្ឋ ដែលបានចាប់ឆ្នោតបានដីដើម្បីអាស្រ័យផលទៅតាមក្បាលដីនីមួយៗ តាមការបែងចែករបស់រដ្ឋបាលខេត្ត ក្នុងតំបន់នៃដែនព្រៃលិចទឹក (តំបន់២) ស្ថិតនៅភូមិបត់ត្រង់ ឃុំប្រាសាទ ស្រុកព្រះនេត្រព្រះ ខេត្តបន្ទាយមានជ័យ ។
ដោយមានការចូលរួមពីរ លោក ហឿន វីរៈ អភិបាលស្រុកព្រះនេត្រព្រះ លោក លោកស្រី ប្រធាន-អនុប្រធានមន្ទីរអង្គភាពពាក់ព័ន្ធ កងកម្លាំង និងក្រុមការងារចម្រុះ ។ ក្នុងនោះផងដែររដ្ឋបាលខេត្តនិងអនុវត្តវិធានការយ៉ាងម៉ឺងម៉ាត់ចំពោះ ក្រុមអនាធិបតេយ្យ ដែលបង្កបញ្ហា រារំាង រំខាន គម្រាម កំហែង មកលើ ម្ចាស់ដី ដែលបានចាប់ឆ្នោតទទួលយក ដីដែលរាជ រដ្ឋាភិបាល បានសម្រេច កាត់ឆ្វៀលចេញ ពីដីតំបន់ ៣ នៃតំបន់ទន្លេសា ផ្ដល់ជូនប្រជាពលរដ្ឋ សម្រាប់ប្រើប្រាស់ និងអាស្រ័យផល និងទប់ស្កាត់ រាល់សកម្មភាព រំលោភចូល កាន់កាប់ អាស្រ័យផល នៅលើទីតំាង ដីព្រៃលិចទឹកតំបន់៣នៃតំបន់ទន្លេសា ស្ថិតនៅក្នុងភូមិសាស្ត្រឃុំភ្នំលៀប និងឃុំប្រាសាទ ស្រុកព្រះនេត្រព្រះ ខេត្តបន្ទាយមានជ័យ ។
