អន្តរជាតិ ៖ ក្រុមសកម្មប្រយុទ្ធរដ្ឋឥស្លាម ឬ ISI បានបង្ហោះរូបភាពគួរឲ្យភ្ញាក់ផ្អើល តាមសាព័ត៍មាន អាម៉ាក់ បង្ហាញពីការបញ្ជារឲ្យប្រើច្បាប់ សាសនាយ៉ាងតឹងរឹង ដាក់ទោសពលរដ្ឋ ដែលស្នាក់អាស្រ័យ នៅខេត្តវ៉ាត់ឌៀ អេក-សរ តំបន់ទន្លេត្រាយអាន់ ដ៏ធំល្វឹងល្វើយ ភាគខាងកើតរបស់ស៊ីរី ដែលក្រុមសកម្មប្រយុទ្ធអាយស៊ីស ដណ្ដើមគ្រប់គ្រង ជាច្រើនឆ្នាំមកហើយ។
រូបភាពដ៏គួរឲ្យញញើតប៉ុន្មានសន្លឹក របស់ក្រុមសកម្មប្រយុទ្ធISI បង្ហាញពីការបង្ហាត់សម្លាប់មនុស្ស យ៉ាងព្រៃផ្សៃ ចំពោះយុវជន ដែលនិយមស្រឡាញ់ប្រុសដូចគ្នា គឺត្រូវបោះទម្លាក់ពីលើអាគារខ្ពស់ ហើយបុរសដែលពាក់ព័ន្ធ ករណីសេពសន្ទវ រួចទើបរៀបការក៏ដោយ ក៏ត្រូវកាត់ទោសដូចគ្នាដែរ ក្រៅពីនោះ ចំពោះចោរលួច ត្រូវកាត់ទោសដោយកាត់ដៃ ដោយឡែកអ្នកមិនស្មោះត្រង់ នឹងក្រុមISI ក៏ត្រូវកាត់ក្បាលជាសាធារណ:ដែរ ៕ 
